| 個人檔案ҳ̸ҳ̸Ҳ̸ҳ RAUL مـحـمـد وب...相片部落格清單 |  工具  說明 |
|
ҳ̸ҳ̸Ҳ̸ҳ RAUL مـحـمـد وبروايــه اخرى ҳ̸ҳ̸Ҳ̸ҳThis is My space .. I hope that you Like it 10月6日 اهلينيالله انت تحييهم
بصراحه تحمست يوم شفت فيه ناس راده
مع اني ساحب لي شهرين
ومتثيقل افتح السبيس احسه مغبر وثقييييل
كيف رمضان معكم واحد واحد
بصراحه نزل وزني كثير تقريبا 4 كيلو
ان شالله بعد رمضان ارجع اكسب اللي خسرته
واصير دب مثلكم :D
8月11日 سلامســلام عليكم
لبــيروت ,, من قلبي سلام لبيــروت
الدعــاء ياأخوان لاخوواننا في لبنان ان الله ينصرهم على اليهــود الصهــاينه
وراجع يتعمــر راج لبنــان
دعواتكم ,,
2月14日 كح كحياهــلا والله فيكم كلكمـ ’’
يالله من زمــــان مانزلت بلوج ,,
كل ماجت مناسب اقول بنزل بس انسى واتعيجز
عشان هيكـ ,, بجمع كل المناسباتـــ
* كل عام وانتم بخير وعيد اضحى سعيد
* بالتوفيق باختبارات الفصل الاول <<< ناس صقطوا هالحين ويقولون وش تبي انت خخخخـ
* اجازه سعيده ان شالله <<< بيدعون علي اللي ماسافروا بالاجازه بس اقولهم ترى محسوبكم مثلكم ماسافر لا منا ولا منا
عوده حميده الترم الثاني وحاب اخبركم اني انتقلت من الجو الجامعي الا الجو العملي والله يعيني دوام ابن كلب :(
اخيرا هابي فلنتاين داي :$
نشوفكم على خير تعبت راحت لياقتي خخخخخخـ
12月18日 رحلــة عبــر المحيــط ... الجزء الــرابعنكمل الجزء الرابع
المدرسة ماكانت مثل ماتخيلتها انا
كنت افكر بمدرسة منتظمه وكلاسات باختصار جو جامعي
ولكني تفاجات وحسيت انها مثل المعاهد الصغيره هنا بالسعودية
كلاسات محدوده وعدد طلاب محدود
في بداية الدراسه كنت منتظم
بس كنت دايم اجي متاخر
لاني الكلاس الاول يبدا الساعه 9
واجي بالعاده على السيكل ( الدراجه لغير الناطقين بلغتنا)
فأجي متاخر خمس الى عشر دقايق
المهم في واحد من الايام كنت طالع من الكلاس
وانا مار طلبت مني مشرفه اني اساعدهم بنقل الكراسي
من فصل عشان نفرغه
وكنا ثلاثه تقريبا انا وواحد تايلندي ووحده مكسيكيه
نقلنا الكراسي وسالت المشرفه وش عندكم
طلع فيه مدرس يوغا بيجي ويعطي كلاس مجاني
انا جلست افكر وقلت لا ماودي وكانت معنا المكسيكيه
قالت جرب اليوغا زينه وجلست تمدحها لي
وانا ماكنت مقتنع
دخل المدرس وحنا نسولف وانضم معن وكان امريكي اسمر (زنجي )وجسمه صح
سالني انت من وين
قلتله وين تتوقع
قال السعودية وهو تقريبا من القلائل اللي عرفوا انا من وين من اول تخمين
قالي طبعا انت مسلم وقالي كم حديث للرسول عن البدن
مثل حديث ان الجسم اذا اشتكى منه عضو تداعى له سائر الجسد بالسهر والحمى
انا احسبة مسلم ويوم سالته قالي لا ولكن اللي علمني اليوغا كان مدرس نيجيري مسلم
وعلمني اشياء كثير انه زار كل البلدان وتعلم كل من اديانهم
وان اليوغا جامعه المعلومات الصحية الموجوده بالاديان مثل البوذيه والمجوسيه والنصارى واليهود والاسلام
وذكر ان الاسلام مصدر اساسي لليوغا
المهم انا كنت افكر ان اليوغا انك تسترخي وتتربع وتحط يدك على ركبتك وتفكر
ولكن طلعت اليوغا شي مختلف
وسالته وطلع لليوغا مراحل كثييرة وان نهايتها هي اللي نشوفه بالتلفزيون اللي هي تمرين العقل
المهم عطانا حصة ساعتين ونصف وكانت تمارينها من اصعب التمارين
انا جسمي رياضي وبالموت تحملتها كانت مرره مجهده
وتوقعت اني بجلس ثلاثه ايام اعاني من عضلاتي مثل اذا لعبت كورة او تمارين مجهده
ولكن الحمدلله واستغربت هالشي اني ماحسيت باي مضاعفات
المهم سالت عن الاسعار طلعت اليوغا تكلف بصراحه
الساعه بـ 140 دولار واذا يجيك البيت بـ 180 دولار
وتحتاج الى اكثر من 40 ساعه عشان تتخطى مرحلة مبتدئ
وكانت من التجارب الممتازة بصراحه
المهم وبعد مرور شهر من وجودي هناك كنت قد زرت عدة اماكن
مثل السكس فلاجز و يونيفرسال ستديو وعدة مجمعات تجارية
اليونيفيرسال ستديو من الاماكن اللي بالفعل رهيبه
انا رحتلها وتمنيت اني رحت مره ثانيه اكمل باقي الاشياء اللي ماشفتها فيها
لانه فعلا مامداني
لكن فيه شو مره حلو اللي هي
ووتر ورلد صورته بكميرة فيديو
واذا عرفت كيف انزله هنا راح انزله
ورحت بالتور حق اليونيفرسال وشفت كيف يمثلون بالافلام
وصورت كذا فنان وفنانه كانو يمثلون بهالوقت مسلسل بس مدري وشسمه
ومريت على حطام الطائرة وصورته اللي كان بفلم توم كروز ( حرب العالم).,ا
ترى مروحة الطيارة كانت تشتغل يوم جيت خخخخـ
وطبعا بالاضافه لكـذا شفت شو للـ
Mummy المومياء
والجوراسك باركـ ,, الحديقه الجوراسية
وكلها بصــراحه كانت رهيبه,,
وشاركت في برنامج
Fear Factor
عامل الخوف
اللي يجي بال بي سي
ولكن بالنسخه الاجنبيه
طبعا كان فيه اختبارات قبول
تبدى بالوزن والطول
وعديتها الحمدلله
ووصلت للمرحلة قبل النهائيه
وشاركت بامتحان كتابي وعديته
ووصلت المرحلة الاخيرة الفرز وكان عددنا تقريبا 30
المهم كانت المقدمه تسـأل كل واحد سؤال وتشوف جوابه وتقرر
المهم وصل انا كنت الاخير وكنت اسولف مع اللي جنبي كان جسمه حلو
وسألته قالت هل تتوقع تفوز وليش
هو قال انه الافضل وقالها شوفي بس المشتركين
انا جسمي الافضل و الاذكى ومدري ايش يمدح بنفسه
قهرني
يوم سالتني قالت تتوقع تفوز قلت مافيه شك خخخخـ << واثق
قلت لها بعض الناس مستهينين فيني ولكن بوريهم
كيف الرجل سعودي
Kick their Budds
المهم ضحكت
ووصلنا مرحلة الفرز النهائي
وطلع اسمي
رحت معهم بجولة مدتها ساعه على السيفتي
طبعا عطونا لبس خاص ولبسناه
ووصلنا مرحلة التصوير
كل واحد يصورونه ويعرف بنفسه ويقولهم ليه بيفوز
طلبت مني اللي قابلتني اقول الجمله نفسها للي قلتها كـك اميركان بدز
لاني الاجنبي الوحيد بالمجموعه
قلت طيب خخخخخـ
صورنا وكلشي ووصل العرض
بدوا يدخلونا نفر نفر بعد مايجيبون التصوير التعريف وكذا
ويوم جا دوري كنت الرابع بين ثمانيه مشتركين
ضحكوا الجمهور وصفقوا خخخخخخـ
توقعتهم يحلتوني بالطماط ولكن الامريكان وسيعين صدر
كانت المسابقه الاولى تحمل تقريبا
وكان الواحد يتعلق في مثل العارضه على ارتفاع 30 قدم
يعني 10 متر فوق الارض تقريبا
وكان يتاهل اخر اربعه يصمدون متعلقين
ووقفنا على جسر ثمن عد تنازلي
وطاح الجسر وبقينا متعلقين
اللي كان جنبي ابو جسم كان جنبي
وهو اول من طاح
وبعده طاح بنتين
وصرنا خمسه
طاحت بنت بعد
وبقينا 4 وكنا ضامنين التاهل كلنا
اول مابقى اربعه اثنين طاحو اعتقد انهم من نفسهم تعبوا
وبقيت انا وواحد
يقولي يله انزل وانا ساكت
المهم صرت اشد نفسي فوق وانزل مثل التمرين
والجمهور يعدلي سويتها تقريبا 6 مرات
وهذاك تحطم وفلت نفسه
وبقيت انا ثمن طحت
المهم وصلنا المرحلة اللي بعد
وكنا اربعه بيطلع اثنين ويبقى اثنين
انا كنت تعبان من التمرين اللي قبل ولا كان فيه فترة راحة طويله
الاذكياء الاثنين ذولاك لانهم نزلوا وارتاحو لكنها راحت من بالي
المهم المسابقة كانت تجميع اشياء من احواض مويه فيها ثعابين مائيه وتعلقها
المهم اني خسرت ولاقدرت اجمعها اسرع واحد وطلعت خخخخخـ
هذي من المواقف اللي صارت لي
طبعا بالجزء القادم بكتب لكم عن سفرتي لجراند كانيان وسياتل بالاضافه
لاهم شي زيارة ديزني لاند وسي ورلد 12月10日 رحــلـه عبــر المحيــط ......الجـزء الثــالثــوين وصــلنــا ؟؟
اها اوكي
 المهــم اني وقـتها تــروشتـ ونمــت ,,
وطبعــا مانمت كـويس كان عندي ألم في معدتـي ,,
وكنت اتردد من الغرفه لدورة الميــاهـ كذا مرهـ ,,
المهم قمــت من النوم الصباح وماكان لي نية اروح للمدرسه
جت الساعه تقريبا 11 ونص ,, نزلتـ تحت لقيــت ام العايله ,,
جلســت وخذيت لي كوب حليب وقعدت اشــربه ,, جلست جنبي ,,
وصــارت تســالني عدة اسـأله ,,
وفيه بعض الاســاله جدا جدا غبيه :(
مثــلا ,, ورتني المطبخ ومكان الثلاجه وكذا وسـالتني : عندكم مطبخ في بيتكم :(
انا رديت عليها قلت اكيد اجل وين نطبخ فيه بالشارع :( .. وقلت لها ان المطبخ موجود من اكثر من الف سنه ,, مو معقوله مابعد وصلنا :d
ومن اسألتها لي ,, قالت لي ابوك وش يشتغل ,, قلت لها ابوي متقاعد ويشتغل الحين بسوق الاسهم
قالت لي يروح البنكـ على جمــل ,, قلت لا ( وجه متعفس )
قالت اجل وش يروح عليه ,, قلت ابوي معه مرسيدس
قعدت تضحك على غباء سؤالها ,, وقالت لي اعذرني انا مره جاهله عن الجزء اللي انتم في من العالم ,,
المهـم جت بتطلع قالت لي ودكـ تشتري شـريحه جوال ,, قلت ايه ,, المهم خذتني ورحت خذيت شريحه
دخلت محل جوال ,, Cinguler .. وكان فيه اثنين رجال ,, وبنت ,, المهم خذيت من عندهم شريحه ورحت للبيت
المهم من المفاجات اني ادق من الشريحه بس ما استقبل مكالمات ,, جلست تقريبا 3 ايام ,,
واستغربت ماجاني ولا اتصــال ,,
طلع وش المشكله ,, ان التلفون يرسل فقط ,, واي واحد يتصل علي يرد عليهم شخص ثاني
يعني الشريحه مدري وشلون قايله ,, انا عندي ارسال وشخص ثاني استقبــال
رجعت لهم وبهذله وزحمه ,, واخر شي غيرولي الشريحه وعطوني رقم جديد
رحتــ للمدرسه وكان يوم خميس اول يوم لي ,, وخذيت تست وجبت درجه مره كويسه
وحطوني في الادفانس ليـفل ,,
حضرت الخميس ثمن الجمعه ,, ثمن قالوا عندنا اجازه اسبوع
 انا انقــهرت لانهم قــالوا لي ان الربع يبدا بهاليوم وطلع اني ماراح ابدا الا بعد 10 ايام من اجي ,,
وراحت الاجازه اسبوع بدون فايده ,, توني جاي ولا معي سياره ولا ادل :(
المهم بهالاسبــوع ماقدرت اروح الا لمتحــف ,, اللي هو جيتي سينتر ,,
صــورت فيه وموجوده بعض الصور في قسم الصور ,,
المعرض كان اكثرهـ لوحــات فنيــه بالاضافه لبعض المجسمــات والكتب القديمه
ثمــن بدأت الدراسه الفعــليه ,, ووقتها كانت المدرسه تبعد عن البيت حوالي 2 كيلو ونص ,,
صعــبه اروح مشــي ,, والبــاص لازم امشــي حوالي كيلو عشان اوصـل لمحطه البـاصاتـ ,,
والمدرسه كانت تأجر سيــاكل ,, استــاجرت لي سيكل لمده شهــر ,,
الحمدلله اني اعرف اسوقه :D والا كان بلشــت هناكـ ,,
دوامي كان من الساعه 9 الى الساعه 12 ونص ,,
كنت اطلع واروح اتغدى ثمن اروح للمكتبه
كنت امضــي وقت كبــير بالمكتــبه ,, النت هناك مجانا ,, بالاضافه انك تقدر تستعير كتب او افلامـ
وكلها مجانا ,,
كنت اجلس ساعتين على النت لانه الوقت المسموح يوميا ,, ثمن اروح اقرى لي كتاب ,,
مجموع وقتي كنت امضــي حوالي 4 ساعات هناك ,, وارجع البيت على المغرب
ارجع ويكون العشا جاهز ,, اتعشــى ثمن اسولف مع العجوز شوي واتفرج تي في ,, ثمن انامـ ,,
تعـبت ,, بالاضافه فيه مواقف تضحك بس ماهيب في بالي الحين
نكمــل بالجــزء الجــاي
11月19日 (2).........رحله عبر المحيــط.............
وصــلت لمــطار لندن
ومن اللقافه قلت خلني اسوي بحث بلوتوث
اذكر ان اسمي كان
( حياتي من غيرك شاورما )
المهم ولقيت رقم سعودي 05 XXXXXX
ارسلت له حتى في لندن ترقم خخخخخ
لاحظت انه نفس الشخص اللي جالس بالسيد الثاني كنت اشوفه يعني ويغير اسمه ويحط
( انريكي اجليسيس )
الولد اسمر ومدبدب
عاد يالقفي انا ماخليته ارسلتله انريكي جنوب افريقيا خخخخخـ المهم اني رحت ادور شوي بالمطار وجت طيارتي واروح للطياره
انا طالب مقعد على الممر عشان ودي اروح اتمشى شوي بالطياره لانه مايجيني نوم فيها جلست وجنبي واحد شعره واصل لكابتن الطياره والمشكله انه كشه مهوب ناعم انا خفت منه ومبعد شوي خخخخخخ جتني وحده قالت ممكن تبدلني كراسي انا كرسيي هناك وودي اجلس جنب اخوياي
قلت قدام ابي الفكه من ابو كشه ذا خخخخخ يوم رحت تحسفت طلع كرسيها على الدريشه وانا ابي على الممر المهم كان جنبي وحده عجوز تسولف علي قلتلها انا من السعوديه قالت زوجي كان يشتغل هناك في شركه وقعدت تبربر علي وش تدرس وين بتروح وعند من بتسكن وهيك شغلات المهم مالكم بالطويله الا ورقدت العجوز وتركتني محبوس عند الدريشه
مالي الا اطلطل خخخخخخ واتابع فلم اي روبوت حق ويل سمث وصلت للمطار وكنت تعباااااااااااااااان ابي انام مررره واصل حدي ذبحتني هالطيارات خخخخخخ تقريبا 22 ساعه طيران و12 ساعه اكون صاحي فيها بين الطيارات المهم اني طالع كاني محشش
وصلت للامجرنت اوفس اللي يختمون الجوازات وصلت عندنا وصارت تسالني كم سؤال من وين ووش تدرس وش جاي عشانه وهيك شغلات المهم طلع لازم اسوي سبيشل ريجيستريشن ( تسجيل خاص )
جاني واحد اوفيسر يشتغل هناك وخذني وخذني لغرفه وجلست معه ويسالني اساله ثانيه وعطاني فورم اعبيه اسم ابوي واسم امي ووين ولدو وهيك شغلات اخر شي انا من التحشيش اللي فيني انكمخت خخخخخ طلعت لغتي الانجليزيه من اللي خذتها باول متوسط الى سنه التحضيريه بارامكو خخخخخ الافلام الي شفتها كلها طلعت مافيه سؤال ماجاوبته ولا الاكسنت مضبوط انا انهبلت من نفسي خخخخ قالي الضابط انت الحين تقول انك جاي تدرس انجلش وانا اشوف انك تتكلم انجليزي كويس قلتله لاااا انا ماعرف الا محادثه لو تعطيني اكتب شي ماعرف لا قواعد ولا املاء ولا شي خخخخ المهم مشت عليه وختملي وقالي توكل على الله
دخلت وانا اسحب العربيه واشوف وحده فنسا ماسكه ورقه مكتوبه عليها اسمي وجنبها واحد ياشر قال دز از هم يعني هاذا هو اخر شي طلع اللي واقف معها مصري عرف اني سعودي
المهم جاني قال تعرف تتكلم انجلش قلت ايه قال كويس انا افكر انك ماتعرف قلت اترجم لك واساعدك قلت له ماتقصر يابيه متشكرين اوي خخخخخ قال شوقتني لمصر خخخخخ
المهم جيت وركبت شنطتي كان معها هوندا سيفيك حمرا ومشينا قالت عندي شغل بالمدرسه بنروح نقعد شوي فيها قلت لا تعبان ابي نام خخخخخخخخ قالت ام العايله محناب لاقينها يعني وش بتسوي لازم ننتظر بتجي المغرب هي وكان الوقت الساعه 3 تقريبا يعني بنتظر حوالي ثلاث ساعات على ماتجي رحنا للمدرسه وليتنا ما رحت طلع المبنى مو كله للمدرسه لهم جزء منه فقط ويوم دخلت واشوف هالعالم كاني باليابان او كوريا كل البشكه عيون ممطوطه ومافيه خشم ضاق صدري عاد هذولا لغتهم رايحه فيها يعني برجع منتهي
المهم جلست على النت هناك شوي واروح لبيت وانا منتهي
دخلت الا استقبلتني ام العايله طلعت اصلها من تايوان وضاق صدري زياده قلت وش هالنكبه انا الظاهر اني بشرق اسيا خخخخخخ طلعت توها حاطه العشا ومسويه ماش بتيوتوس ( بطاطا مهروسه ) وانا ماحب هالشي خخخخخخخ ماقدرت اكله استاذنت وقلت ابي اتروش وانام ورتني الحمام والغرفه تروشت ونمت
يتــــبع
10月19日 (1).........رحله عبر المحيــط.............بقــولكمـ ســالفــة ســفرتي الصــيف المـاضي وكل مافيها من بلاوي
بالبــدايـه كانت في شـهر مارس الماضي
نزلت الجداول للصيف
ولقيت نفسي ماعندي مواد اقدر انزلهـا
فـ راح يكـون عندي الصــيف فاضي
وراح تلزمني ارامكو اني اداوم عندهمـ
وبصــراحه ماكان لي خلقهمـ ودوامهمـ من 7 ص الى 4 م
المهم قمت وطلبت اعفــاء من الصيف واني ابسافر ادرس لغه
والحمدلله تم قبول الطلب يوم شافوا درجاتي الحلوه مره بالانجلش <<< اسوأ درجاته بالانجلش :d
كنت اعرف شخص يدرس في واشنطن DC
كلمته وقلتله يدورلي معهد عندهم
وبجي طبعا وهو معه سياره يمديه يمشيني ويوريني الديره
ماقصر لقالي معهد وخاطبتهم وكل شي وحجزت لـ DC
عن طريق مكتب الخطوط البريطانيه وقيمة التذكره كانت بـ 4200 ريال
كلمت السفار واخذت منهم موعد في 8مايو
ومع نهايه شهر ابريل كلمني خويي واعتذر وانه راح يرجع السعوديه ولا يقدر يجلس بامريكا
<< حركه بايخه منه
 المهم انا وقتها خربت اخلاقي وكنسلت حجزت واشنطن وحجزت على لوس انجلوس
ودفعت الفرق بالتذكره تقريبا الف وشوي
وسريع سريع سويت سيرش على النت ولقيت معهد وخاطبتهم وردوا علي
كان الوقت ضيق مرررره لدرجه اني كلمت السفاره واجلت موعد المقابله اسبوعين الى 27 مايو
عاد الله لايوريكم سفارة امريكا بالسعوديه اي كلام
تجلس تدق على رقمهم اسبوع مشغول
شكلهم ينطلون السماعه
واذا دق يرد عليك مسج صوتي حطيت فيه يجي 20 مسج ولا عمرهم ردو علي
المهم جاتني الاوراق من المعهد ورحت السفاره ومشى الحال وقالولي بنكلمك عقب اسبوعين
حجزي كان في 19 يونيو
بعد الاختبارات باسبوع تقريبا
وكنت خايف ان الجواز مايمديه يطلع
المهم كلمت المعهد وترد علي هاكـ اليابانيه
واسولف شوي عن المدرسه وسالتها وش الجنسيات اللي عندكم
قالت لي 70% اليابان
و 20% كوريا
و5% الصين
و5% باقي الجنسيات
انا ضاق صدري بقوووووه
قلت الفنس ذولي يلعبون باللغه
وبقولكم شي يثبتلكم بالاخير :D
قلت بنفسي يله مو مشكله تحمل
طلع الجواز تقريبا في 14 جولاي يونيو
وكنت مشارك في بطوله عكاظ على مستوى المملكه للبلاي ستيشن
واللي كان موعدها قبل السفرر بيومين
زهبت شنطتي وكل شي
وطرت لجدهـ
منها اني العب <<< محنه لعب خخخخـ
ومنها اني اشري لي كم تي شيرت من جده
رحت لجده وشاركت كـ ضيف شرف لاني لو تاهلت للنهائي ماراح العب لاني برجع الدمام وراح اطير من البحرين
رحت لعبت اي كلام وترقعت ورجعت الدمام وخذيت عفشي وطلعت للبحرين
رحت البحرين وانا مواصل وانطقيت بالمطار 4 ساعات قبل الاقلاع
ركبنا الطيارهـ
وجنبي واحد يجيب الهمـ <<< دايم يجلسونه جنب رجال ماعمره جلس جنب وحدهـ حلوهـ
<<< اللهم اني صايمـ :D
مغير هاللي جنبي كل شوي طالب ريد والا وايت واين ويجغمـ .. ورحيته واصله خشمي وماعرفت انام
وصلت لمطار هيــثــرو اللي راح اجلس فيه 4 ساعات ترانزيت
نزلت ومشى الحال الحمدلله وجلست انتظر
كنت طفشان وسويت بحث بلوتوث بالجوال
توقعون وش لقيت
اقولكم الحلقه الجايه :D
10月13日 هـزيمـه تـاريخـيهامــس فــاتكم
داخــل وانـواع الحمــاس في مسـابقة الرياضه المحليه باقلاع
وكان معي بالفــريق الزلايب الاتيه اسمائهم
نونو غوميز
مزاجي
تمساحه
لذيذ ورايق
وامتنع احساس مجنون الحضور بسبب ان امه كفخته ذاك اليوم
المهــم بدت المبــاراة وكانت خطتنا هجوميه
بحيث ان بما اني الكابتن
بقعد احتريهم يسوون رفرش باقي اعضاء الفريق ويناولون لي السؤال واسجل هدف انا
المهم بدت المباراة وماقصرو يناولون لي السؤال بالمسنجر بس ماش
انتهت المباراة بهزيمتنا 3-0
بسبب ان الزلايب اعضاء الفريق ما يسمعون نصايح وتوجيهات الكابتن والمدرب اللي هم انا :D
10月12日 يالله ان تحيــيــهمـ ..بصــراحـه جـالـس افــكر وش اكتـب عنهـ ..
وانا جـالـس ادور على اوراق في مكتبــتي طـاحت يدي على ملــفي اللي فيه شهاداتي ..
الابتـدائيه طـلعـ معــي موقفـ صــارلــي ايام الابتــدائيــه.. والمتوسطه والثانويه
جــالسـ اتذكــر ايام زمــان
وطلع معي موقف صــارلي في رابعـ ابتدائيــ ..
بسم الله نبدا
يوم كنت برابع ابتدائي كنت اموت في شي اسمه اذاعه كان مدرسنا الرياضه يتاخر دايم لانه ساكن بعيد
والاداره توهقوا مافيه احد يسوي للطلاب تمارين صباحيه
المهم جانا المدير كنا مجموعه طلاب قبل الطابور
قال من فيكم يعرف سكتنا شوي
وتشجعت وقلت انا
وفعلا طلعت مرنت الطلاب واديت كويس وكان يعاب فيني شي واحد اذا مرنتهم وقضيت بدال ماقول قف اقول بس :D
المهم بعد التمرين يجي دور الاذاعه وكنا نتناوب انا وفهد ومحمد التقديم
عاد مره من المرات جالس بالبيت افكر بتقديم فقره حلوه
وسمعت القصيده اللي تقول في مطلعها
من طلب العلا سهر الليالي ..... وش الحاف وقال مالي اخذت صفر بالامتحاني .....ولكن الصفر من شيم الرجالي اللهم عذب مدرس التاريخ ...وارسله للمريخ .....الخ
طلعت الاذاعه بقولها وقبل مالقيها شاورت المدرس المشرف وكان مصري وصفط الورقه وقالي بلاش وحطها بمخباته
رحت الفصل وبعد الحصه الثانيه جانا الفراش الفصل وقال وين محمد الـ .... قلت نعم قال رح للمدير
ومديرنا كان اعوذ بالله شديد ويطق وكنت اخاف منه
رحت ودخلت عليه واللاه ماسك الورقه بيده
وقال وش قلة الحيا ذي :(
قلت قصيده
قال من كاتبها لك
قلت اخوي <<< وهق اخوه
المهم كتبلي ورقه لولي الامر فيها شويه تهزيئ وقالي انت محروم من الاذاعه مع اني كنت الطالب المثالي بالفصل ودايم اطلع امتياز يالاول او الثاني على الفصل
المهم رحت البيت اصيحـ :( واجي من بكره ولا اطلع امرن الطلاب ويمشونا والمدير يناظرني بنص عين واحس انه يقول طز فيك وتمرينك :D
ويمر اسبوع تقريبا ولا احد يمرن الطلاب نسوي طابور على طول اذاعه و ندخل الفصول
المهم انا حزت في مشاعري الاذاعه مثل ماقلتلكم كنت اموت فيها واروح لابوي واقوله ويجي للمدير ويكلمه لانه يعرف ابوي من قبل اصدقاء :( << امحق اصدقاء كم مره كفخني ولا حشمني او حشم ابوي :(
المهم وجاني المدير قال لاعاد تعودها واطلع للاذاعه
واطلع للاذاعه واسحب على تمرين الطلاب من الزعل :(
هاذا ماجا في بالي الحين
ويعطيكم العافيه على المرور :)
|
|
|||||||||||||||||
|
|
